Monombului disan rahat Damai Santubong

Ogumu tulun sompomogunan rumikot 

Di Jong Chui Ling 

UMSKAL BG16110269

Ontok tadau koundarangan do somisto di nakatalib, minongoi oku id Kuching, Sarawak. Minongoi oku hilo miampai molohing ku. Minongoi iyahai id Kuching sumakai do kapal tulud. Kumoinsan nogi mongoi iyahai id Sarawak. Ogumu kopio o kolundusan do pogun id Kuching.

Kokitanan id Borneo Highland.

Minongoi iyahai id ‘Borneo Highland’ ontok tadau koiso. Akawas kopio o nulu hilo. Orosian oku sabap onini om alamou kopio o ralan dilo. Osogit om ogingo kopio o nulu hilo. Kiwaa tayam hilo miagal ko sapi, tombolog om sada. Olumis nogi o bunga hilo. Minamagambal oku miampai molohing ku. Ogumu om olumis tomod o gambal iyahai. Nogi kiwaa anggur om strawberi id ‘Borneo Highland’.

Opurimanan id disan rahat Damai.

Ontok tadau koduwo, tumimung iyahai id siriba do hotel. Minongoi oku om molohing ku id disan rahat Damai. Disan rahat Damai nopo nga id Santubong. Sumakai iyahai do teksi kumaa id disan rahat. Agaras nogi tomod o tombuut id disan rahat. Olumis o kokitanan id disan rahat. Nogi, ogumu o sompogunan tumombului hilo. Mamagambal nopo nga kaasanangan tina ku. Dadi, asaru  mamagambal o tina ku id disan rahat hilo. Lumoyog tapa ku id kulam loloyogon.

Iti nopo nga Viva City.

Haro nogi o Viva City, The Spring om Plaza Merdeka id Kuching. Minongoi iyahai id Viva City soira muli mantad disan rahat. Ogumu o kadai rasuk id Viva City miagal ko kadai ‘Mango’, ‘Parkson’, ‘Esprit’ om ‘ELLE’. Omurah kopio o gatang do garung tondu hilo. Minomoli oku om tina ku do rasuk om sandal.

Iti nopo nga Laksa Sarawak.

Ogumu om asadap o taakanon do Sarawak miagal ko Laksa Sarawak, Kolo Mee om satay. Minakan iyahai do Laksa Sarawak om Kolo Mee. Opodos o Laksa Sarawak. Omurah o gatang do Kolo Mee. Apagon o Laksa Sarawak ko Kolo Mee.

Ontok dangadau, minongoi iyahai id restoran ‘Top spot’. Restoran diti nopo nga id loting bongunan UTC Kuching. Ogumu om agayo tomod o pangakanan hilo. Minakan iyahai do sada, gipan, kogis, tongkuyu om kinotuan miagal ko ‘bidin belacan’.

Ingkaa no susuian ku do minongoi id Kuching, Sarawak. Ounsikou tomod o ginawo diyahai do minongoi id Kuching. Kolundusan do pogun id Kuching nopo nga osonong kopio.

Kokitanan id restoran ‘Top Spot’.

(337 patod boros)