Osogit tongus disan rahat Batu Ferringhi

Pulau Pinang ogumu kolundusan

Siti Hajar Binti Azhar

UMSKAL BG16160654

Ontok koundarangan semester nakatalib, minongoi oku id Pulau Pinang. Minongoi oku id Pulau Pinang miampai do tobpinani om molohingku. Kiwaa limo tulun tobpinai om molohingku minongoi id Pulau Pinang. Iyolo nopo nga tapa om tamaku, tadi tonduku, i Huda om duwo tadi kusaiku i Luqman om Firdaus. Ogumu kopio o kolundusan do pogun diti.

Gambal hotel Rainbow Paradise Beach Resort id disan rahat Tanjung Bungah.

Ontok tadau koiso, suminakai oku om poibpinanyanku do feri korita montok mongoi kumaa id Pulau Pinang. Suminakai iyahai mantad Penang Port ontok jaam kowalu dongosuab. Nokorikot iyahai id Pulau Pinang di jaam koduwo do minsosodop. Suminakai iyahai do korita mantad Penang Port kinumaa id hotel Rainbow Paradise Beach Resort id sampaping do disan rahat Tanjung Bungah.    

Gambal kolundusan id Pulau Pinang.

Olumis kopio o disan rahat Batu Ferringhi, Pulau Pinang. Ogumu puun ru om piasau olumis id disan rahat Batu Ferringhi. Osogit tongus, togis warana opurak om waig warana obulou id disan rahat Batu Ferringhi. Minodsu om minlongkudi iyahai id disan rahat Batu Ferringhi. Ontok tadau koduwo, yoku om poibpinayanku minongoi mindakod id Bukit Bendera. Mindakod iyahai mantad jaam koonom dongosuab gisam jaam kosiam do dongosuab.

 

Gambal id disan rahat Batu Ferringhi, Pulau Pinang.

Id Bukit Bendera kiwaa ogumu tanom, tongobunga om tombolog hilo. Kiwaa tombolog sungang, kolumpisau om turipos id Bukit Bendera. Osogit tongus om olumis kokitanan hilo. Mamagambal oku do tangobunga olumis om tulanut hilo. Ontok minuli, suminakai iyahai do ‘cable car’ mantad id nulu mongoi id siriba. 

 

Gambal ‘cable car’ id Bukit Bendera, Pulau Pinang.

 Ontok tadau kowalu, minongoi oku om poibpinayanku kumaa Taman Negara Pulau Pinang. Suminakai oku om poibpinayanku do buut tosiau montok mongoi hilo. Haro ngawi ogumu tayam om tanom hilo om haro ngawi mogisusuwai o tokito do minsosodop. Ogumu kopio o tongosongongi hilo.

Gambal id Taman Negara Pulau Pinang.

Ingkaa no sususian ku id Pulau Pinang. Alansan oku, kaanu mongoi id Pulau Pinang kawagu. Otomon kopio o poibpinayanku nakaanu koundarangan id Pulau Pinang. Iri no kinaantakan di au ku oolingan.

                                                                      

                                                                        ( 335 patod boros)